උන් සහ අපි ( නිසඳැස් )

 

 චාමර කසුන්
ශාස්ත්‍ර පීඨය
කොළඹ විශ්වවිද්‍යාලය

උබේ උන් ටික පෙළට අරගෙන

උබත් හරියට කෙළින් යනවා

අපේ පෝළිම අරන් යන්නට

ඉන්නවා උතුමන්ලා දුසිම් ගණනක් 

නොන්ඩි ගහමින් ඇදි ඇදි

කක්කුටු ගමනින් යමින් පැද්දි පැද්දි 

කියනවා උතුමන්..

පෙළේ උන් ටික 

සිරුවෙන් හරි කෙළින් ඉදිරියට යව් කියා

කාලයක් ගෙවි යනවා

අලුත් රජවරු පෙළට එනවා

තවත් අය කියවමින් කාලෙ කනවා

එදා වගෙමයි අදත් එහෙමයි

උතුමන්ලා පුරුදු පරිදිම ඇදි ඇදි යනවා

පැද්දි පැද්දි ඔවුන් පස්සේ 

හිතුමතේ යන අපෙ උන් ටික

ගොන් රැළක් බව 

කුඹි රජු නම් දන්නවා