අලුත් අමුත්තීගෙන් පණිවිඩයක් ( නිසඳැස් )

සෙත්මිණි දිලේකා
ශාස්ත්‍ර පීඨය
කොලඹ විශ්වවිද්‍යාලය

සොහොන්පල්ලෝ

ඇයි මැදියමේ ඇහැරන්

ගෙදරවත් නොයා

නිදි කිරමින්

රකින එක මගෙ වගකීම

ඔය මළවුන්

රාජකාරිය දේවකාරිය

ඒ නිසයි ඉන්නේ මං

"බොරු බොරු"

අනේ දැරිවියෙ මොකද මේ

නීල ඇස් වල කඳුලු පුරවන්

දෙතුන් දොහොකට කලියෙන්

රකුසු වෙස් ඇති පහක් මකරුන්.

පිඹපු ගිනි ජාලාවෙන්

පිච්චුණා මා රුදුරු අයුරින්

හුස්ම නැවතුණි රහසින්

සොහොන්පල්ලෝ අහපන්

දෑස මානෙන් තියාගෙන උඹෙ 

පුංචි දෝණිව රැකපන්

වගකීම බල්ලට දමාපන්

මගේ තව මොනවා රකින්නද

දැන් ගෙදර උඹ පලයන්