නිවැරැදි නින්දක වැදගත්කම (සෞඛ්‍යය)

සුපුන් ජයතිලක 
වෛද්‍ය පීඨය
රජරට විශ්වවිද්‍යාලය

සෞඛ්‍යමත් ජීවිතයක් සඳහා නින්ද ඉතා වැදගත් සාධකයක් ලෙස හැදින්විය හැක.නමුත් බොහෝ දෙනා තමාගේ කර්යය බහුල ජීවන රටාව නිසාවෙන් ප්‍රමාණවත් නින්දක් සඳහා නිසි අවදානයක් යොමු නොකරයි.එම නිසාවෙන් විවිධ රෝගී තත්ත්ව ඇතිවීමෙ අවදානම මෙන්ම එදිනෙදා ජීවිතයද යම් අසම්පූර්ණත්වයක් ගෙනදේ.

නින්ද යනු බොහෝ දෙනෙකුගෙ සැගවුණු දක්ෂතාවයක් වේ නමුත් එඉන් නිසි ප්‍රයෝජන ලබා ගැනීම දුර්වල වේ.එයට හේතුව අයෙක් අධික ලෙසින් නිදා ගැනීම හෝ ඉතා අවම ප්‍රමාණයෙන් නිදා ගැනීමයි.අප අවශ්‍ය ප්‍රමාණයට නිදා ගත්තේ නම් ඊළඟ දිනයට හොඳ සූදානමක් සහිත බවක් හැගේ එය අප කවුරුත් ලැබූ අත්දැකීමක් බව නොඅනුමානයි.එමෙන්ම අවම ප්‍රමාණයේ නින්දක් ලැබීම නිසා පසුදින  තමන් සිදුකරනු ලබන කර්යයන් නිසි ලෙස සිහි එලඹවා සිදුකිරීමට නොහැකි බවටද අප කාහටත් අත්දැකීම් ඇත.මේ අනුව බලන විට නින්ද යනු සාර්ථක ජීවනරටාවක් සඳහා මහගු දායකත්වයක් ලබා දෙන බව හැගේ.වැඩි හෝ අඩු නින්දක් ලබා ගැනීම නිසා බෝ නොවන රෝග එනම් ස්ථුලතාවය ,දියවැඩියාව ,අධිරුධිර පීඩනය ,හෘද රෝග හා  මානසික රෝග ද ඇති වීමට ඇති අවදානම වැඩිවේ.

සමාන්‍යයෙන් පැය හතක නින්දක් ලැබීම මගින් අපට බොහෝ වාසි අත්කර ගත හැකිය

# නිවැරදි හෝමෝන සමතුලිතයක් රුධිරයේ පවත්වාගැනීම 

# මානසික පීඩනයෙන් මිදිය හැකි වීම

# මේද තැම්පත් වීම අවම වීම 

# කැම රුචිය පාලනය වීම

# ප්‍රතිශක්තිකරණ පද්ධතිය ශක්තිමත් වීම 

මීට අමතරව කුඩා ළමුන් ප්‍රමාණවත් නින්දක් ලබා ගැනීම මගින් ඔවුන් 

# සමාජශීලි වීමට යම් දායකත්වයක් ලබා දීම

# අධ්‍යාපන කටයුතු සාර්ථකව කරගෙන යාම 

# භාෂා කුසලතාව වර්ධනය වීම 

වැනි වු කුඩා කල සිටම පෞර්ෂ වර්ධනය සඳහා වැදගත් සාධක නිසියාකාරව සකසා ගැනීමට නිවැරැදි නින්ද ඉතාමත් වැදගත් වේ.

පරික්ෂකයන්ගේ සොයා ගැනීම් අනුව වයස අනුව රාත්‍රීයකට නිදා ගත යුතු පැය ගණන් මෙසේය 

# අවුරුදු 6ට අඩු - පැය 10-12

# අවුරුදු 6ත් 12ත් අතර - පැය 10

# අවුරුදු 12ත් 18ත් අතර - පැය 08

#අවුරුදු 18ට වැඩි - පැය 06-07

මීට අමතරව බොහෝ දෙනා  දහවල් කාලයේදී නිදාගැනීම සඳහා පෙළඹීමක්  ඇත එය යම් අයුරින් මහන්සිය නිවා ගැනීමට අස්වැසිල්ලක් වේ.නමුත් පුරුද්දක් ලෙස දහවල් කාලයේදී නිදාගැනීම අලස බව ඇති කිරීමට සමත් වේ.තවද පාඩම් කරන අතරතුර කෙටි නින්දක් සඳහා සිසුන් පුරුදු වී ඇත.එහි සර්ථකත්වය එකිනෙකට අනුව වෙනස් වේ.එනම් අයෙකුට එය ඉතාමත් අත්‍යවශ්‍ය දෙයක් වු වත් තවකෙකුට එසේ නොවෙන්නට පුලුවන.

සාර්ථක නින්දක් ලබා ගැනීම සඳහා විවිධ ක්‍රියා සිදු කල හැක එනම්,

# දහවල් කාලයේදී ක්‍රියාකාරීව ගත කිරීම 

# නිදන කාමර අදුරු,නිහඬ හා සිසිල් බවට පත් කර ගැනීම 

# ඉලෙක්ට්‍රොනික උපාංග නිදනකාමරයෙන් දුරස්ව තැබීම

# ප්‍රධාන ආහාර වේලකින් අවම පැය 2ක කටවත් පසු නින්දට යාම 

# නින්දට පෙර තේ,කෝපි පානය නොකිරීම 

#තමට සුවපහසු මෙට්ටයක් හා කොට්ටයක් භාවිතා කිරීම .

ඉහත සඳහන් කල සියලු සාධක තිබිය දීද නින්ද නොයන අවස්ථාවන්ද ඇත එවැනි විටදී නිදනකාමරයෙන් වෙනත් ස්ථනයකට ගොස් මනස නිරවුල් වන යම් ක්‍රියාකරකමක් සිදු කර නැවත නින්දට යාම සුදුසු වේ.උදාහරණයක් ලෙස භාවනා කිරීම.තවද විවිධ අසනීප තත්ත්ව වලදී ද නිදා ගැනීමේ අපහසුතා පවතී.එමෙන්ම නිදාගැනීම අඩාල කරන රෝගී තත්ත්ව ඇත.එවැනි විටදී ප්‍රතිකාර සඳහා යොමු වීම සුදුසු වේ.

✒️  සුපුන් ජයතිලක