මට බෑ දෙමළෙන් ලියන්න ( පද්‍ය)

 

අමේෂ් උදයන්ග
ඉංජිනේරු පීඨය
පේරාදෙණිය විශ්වවිද්‍යාලය

පිච්ච කැකුළු බැඳි කෙහෙරැළි 

ගමන් තාලයට පැද්දෙන

යාල් දේවියෙන් උතුරට එන්න කියනවා

අලි මංකඩ තොට කොණකින්

පපුව ගැහෙන තාල අහන්

ඉර බැස යන අහස බලන් හිඳිමු කියනවා

 දීපාවලි හඳ හොරාට 

ගිතෙල් පහන් පත්තු කරන්

දේවී එක්ක මහ කෝවිල් එන්න කියනවා

ආසයි දෙවියන් වඳින්න 

උබට ඇහැකි කැළණි එන්න

 කැඩිච්ච පාළම අලුතෙන් බඳිමු ද දෙන්නා