අපගමනවාදී ගුරුකුලය

සෙත්මිණි දිලේකා ශාස්ත්‍ර පීඨය කොලඹ විශ්වවිද්‍යාලය මහත්තයෝ, මතකද මං සුජාතා ආදරේ නාමයෙන් විස්වාසෙ තියාගෙන උඹැහැ එක්කල ආපු සුජාතා ටවුමෙ මුල්ලක තිබුණු නැන්සිගේ මඩමට පන්දාහෙ හිලවුවට විකුණාපු සුජාතා අවුරුදුම කීයක්ද හැඩරුවත් වෙනස් දැන් සුදු රෙද්ද පොරවලා පන්සලට වෙන්න ඇති යන්නෙ ඔය පවුලෙ අය එක්කලා සුදෝ සුදු මල් වට්ටි අත දරා නිවන  නම් මට බොහෝ දුර ඇති බලද්දී කරපු පවු එක්කලා මහත්තය එහෙ ගො⁣හින් පන්දාහ එවනවද අඩුතරමෙ යන්න මේ අපායෙන් ගැලවිලා මේ තිත්ත ජීවිතේ ඇතිවෙලා                                 

සම්පත් බණ්ඩාර  සීවලි මධ්‍ය විද්‍යාලය  රත්නපුර   සාතිශය බහුතරය වූ ඕලාරික ප්‍රේම ප්‍රජාව පැයට දෙදාහේ කාමර තුල ආදරයේ නිමාව දකිද්දී සාතිශය සුලුතරය වූ සැබෑ ප්‍රේමවන්තයෝ වැලිකඩ බෝගම්බර යකඩ කූරු අතරත් අංගොඩ අගුලු ලෑ කාමර තුලත්   බොරැල්ලේ අඩි හයක් මත ගොඩවූ ගොඩැලි යටත් ආදරයේ නිමාව දුටුවෝය

සෙත්මිණි දිලේකා ශාස්ත්‍ර පීඨය කොලඹ විශ්වවිද්‍යාලය සොහොන්පල්ලෝ ඇයි මැදියමේ ඇහැරන් ගෙදරවත් නොයා නිදි කිරමින් රකින එක මගෙ වගකීම ඔය මළවුන් රාජකාරිය දේවකාරිය ඒ නිසයි ඉන්නේ මං "බොරු බොරු" අනේ දැරිවියෙ මොකද මේ නීල ඇස් වල කඳුලු පුරවන් දෙතුන් දොහොකට කලියෙන් රකුසු වෙස් ඇති පහක් මකරුන්. පිඹපු ගිනි ජාලාවෙන් පිච්චුණා මා රුදුරු අයුරින් හුස්ම නැවතුණි රහසින් සොහොන්පල්ලෝ අහපන් දෑස මානෙන් තියාගෙන උඹෙ  පුංචි දෝණිව රැකපන් වගකීම බල්ලට දමාපන් මගේ තව මොනවා රකින්නද දැන් ගෙදර උඹ පලයන්                             

       රසිඳු සශ්‍රීක ඉන්ජිනේරු පීඨය පේරාදෙණිය  විශ්වවිද්‍යාලය නොදන්නා ඉසව්වක ඉපදී සීත කඳු අරණක විටෙක හඬමින් විටෙක හිනැහෙමින් පැමිණෙන නිහඬ ගමනේ කොයි තරම් ලස්සන රහස්  සඟවාගෙන ඇත්ද ඔබ සිව් මහා නදී දෙටු සොයුරියන්  නිතරම කියනා රස රහස් අතරේ කොයි තරම් රස කතා ඔබටත් ඇතිද කියන්නට ඉර බැසයන සැන්දෑවක මීදුම් වලවකට මුවාවී ඔබ හා ආදර වදන් තෙපලන්නට පෙම්බරෙකු හමුවනතෙක් හැංගි හැංගී පියනැඟූ ගමනේ සොඳුරු එක් මංකඩක රජ කුමරියකවත් සතු  නොවූ තරම් දිගු ඔබේ මල්වර සේද ගවුමේ  ලා නිල් පාට සිහින් රැල් සිත්තම් කරයි තෙරක් නොපෙනෙන සීතල බදුලු කදුවැටිය එදැක සිතින් ඔබ හා පෙමින් වෙළුණු සිය ගණන් පෙම්බරුන්ට  ආඩම්බරයෙන් ඉඟි කරමින්...

  සම්පත් බණ්ඩාර  සීවලි මධ්‍ය විද්‍යාලය  රත්නපුර  ඔව්  මං ඉටිපන්දමක්  ගිනි දැල්ලට පිච්චි පිච්චි ඔබේ ලොවට එලිය බෙද බෙද  ඉන්ට හැකි උසම තැන ඉදන්  මිටිම තැන වෙනකන් දියවෙලා දියාරු වෙලා වැහැරිලා ගිය  ඔව් තවත් මට නුබට දෙන්නට තරම්     එලියක් ඉතුරු නෑ මෙච්චර කල් ලෝබ නැතුව එලිය දුන්නේ කවදාකහරි දවසක ඔබ මටත් ඉටිපන්දමක් වෙලා මගේ ලෝකයත් එලිය කරයි කියලා හිතාගෙන  ඒත් ඒක හිතලුවක් විතරයි කියලා දැන් මට තේරෙනවා කමක් නෑ ඔබ යන්න වේගයෙන් ඉගිලිලා  ඔබ යන්න  ඒත් මගෙ මතකය මට දෙන්න  තවම නිම නෑ තියනවා තව ටිකක් තනියම මවපු තනිකඩ හීනයේ පාට අතුරන්න

J.K ඉසුරු වෛද්‍ය පීඨය පේරාදෙණිය විශ්වවිද්‍යාලය   දියවැඩියාව නැතිනම් මධුමේහය යනු වර්තමානයේ බොහෝ දෙනා කතාබහ කරන,නමුත් නිසි අවබෝධයකින් අඩු රෝගයක් ලෙස නම් කළ හැක.බෝ නොවන රෝගයක් වන දියවැඩියාව අද වන විට ලෝකයේ වැඩිම මරණ ප්‍රමාණයකට හේතු වූ රෝගයක් වේ.එමෙන්ම පුළුල් පරාසයක දීර්ඝකාලීන අතුරු ආබාධවලටත් හේතුවන රෝගයක් වශයෙන් ලෝක සෞඛ්‍ය සංවිධානය හදුන්වා තිබේ.එහෙයින් මෙම ලිපියෙන් සාකච්ඡා කිරීමට බලාපොරොත්තු වන්නේ දියවැඩියාව පිළිබඳ සම්පූර්ණ විස්තර කිරීමකි.. අපි හෑමෝම දන්නා ආකාරයට දියවැඩියාව යනුවෙන් හදුන්වනු ලබන්නේ ශරීරයේ සීනි මට්ටම; එසේත් නැතිනම් රුධිරයේ ග්ලුකෝස් මට්ටම ඉහළ යාමයි.මේ සදහා බලපෑම් කරනු ලබන්නේ ශරීරයේම නිපදවෙන  'ඉන්සියුලින්' නැමැති හෝර්මෝනයේ ක්‍රියාකාරිත්වය දුර්වල වීමයි.ඉන්සියුලින් යනු රුධිරයේ ග්ලුකෝස් මට්ටම අඩු කර පාලනය කරන ප්‍රධානතම හෝර්මෝනය යි.ඉන්සියුලින් ක්‍රියාකාරිත්වය දුර්වල වන ආකාරය අනුව දියවැඩියා රෝගයේ මූලික ප්‍රභේද දෙකක් හදුන්වා දිය හැක.දියවැඩියාවේ පළමු ප්‍රභේදයේදී සිදුවන්නේ අපේ ශරීරයේ නිපදවෙන ඉන්සියුලින් ප්‍රමාණය අඩු වීම හෝ සම්පූර්ණයෙන්ම ඉන්සියුලින් නිපදවීම නැවතීමයි.ඉන්සියුලින

    චාමර කසුන් ශාස්ත්‍ර පීඨය කොළඹ විශ්වවිද්‍යාලය උබේ උන් ටික පෙළට අරගෙන උබත් හරියට කෙළින් යනවා අපේ පෝළිම අරන් යන්නට ඉන්නවා උතුමන්ලා දුසිම් ගණනක්  නොන්ඩි ගහමින් ඇදි ඇදි කක්කුටු ගමනින් යමින් පැද්දි පැද්දි  කියනවා උතුමන්.. පෙළේ උන් ටික  සිරුවෙන් හරි කෙළින් ඉදිරියට යව් කියා කාලයක් ගෙවි යනවා අලුත් රජවරු පෙළට එනවා තවත් අය කියවමින් කාලෙ කනවා එදා වගෙමයි අදත් එහෙමයි උතුමන්ලා පුරුදු පරිදිම ඇදි ඇදි යනවා පැද්දි පැද්දි ඔවුන් පස්සේ  හිතුමතේ යන අපෙ උන් ටික ගොන් රැළක් බව  කුඹි රජු නම් දන්නවා                      

  චන්දිම සුපුන්  නීති පීඨය කොළඹ විශ්වවිද්‍යාලය රුපියලක් වැටුනාම හිඟාකන බෙලෙක්කෙට රෑ කෑම හිනාවෙයි අන්ධ මගෙ දෑස් යට පාරෙ පේමන්ට් එකෙත් උණුහුමට නිදන මට සත්මහල් ප්‍රාසාද  තැනුනාම ඉඩක් නැත ළයිට් එළි නැතිවාට ඇට කාසි ගනින්නට දෙවේලක් මැරෙනවා රස නහර තෙමන්නට දුටුවනම දුර බැලෙන සොබාවට කමා කර මහත්තුරු නොබැලුවොත් අදත් හාමතේ මම හිමිදිරියෙ වහන් වී දවාලේ සිඟන්නට සොයන්නේ තෙත හිතක් තව දිනක් යැපෙන්නට

සම්පත් බණ්ඩාර  සීවලි මධ්‍ය විද්‍යාලය  රත්නපුර  ජයවේවා  .. ජයවේවා .. ජයවේවා .. දවසම හෙට්ටු වී තෙහෙට්ටු වී  පහේ කෝච්චියේ ෆුට් බෝඩය මත නැග හිරවෙවී පොඩිවෙවී ගමරට බලා යන රාජ්‍ය සේවකයෙක් ජයපතයි එලවලු පංගුවක් ගන්න ඉරිදා පොලට යන ගමනත් මර්සිඩීස් බෙන්ස් රියෙන් සැපට සැපේ ඉගිල්ලෙනා එතුමාට එතුමියට ජයවේවා .. ජයවේවා .. ජයවේවා .. හැමදාමත් සාගින්නේ කලන්තේ හැදිලා වැටෙනා  අලුත් පැන්සලක් ඉල්ලා පොලොවෙ හැපි හැපී අඩනා  වැරහැලි ඇදි පොඩිකොල්ලගේ මාපෙම්බර අම්මා වෙච්ච කසල ශෝධිකාව ජයපතයි මහජන බදු මුදල් වලින් ලොකු බේබිව එංගලන්තේ  මද්දුමයව ස්විට්සර්ලන්තෙ  පොඩිම එකා ලොකුම කොලේජ් එකට යවපු එතුමාට එතුමියට ජයවේවා .. ජයවේවා .. ජයවේවා .. අහෝ නැත්තන් සැවොම ඇත්තන්ටම ජයපතන සසිරිබර මෙසිරිලක තරම් පරාර්ථකාමී සද්ජනයන් වෙසෙනා රටක් මගේ තනි ඇසට කදුලු උනයි

චන්දිම සුපුන්  නීති පීඨය  කොළඹ විශ්වවිද්‍යාලය දෑස පොඩිකර  බලන බැල්මක අහඹුවෙන් දුටු අසිරියක් හැඩට පෙනෙනා හදම බැඳෙනා අසම සම එක් රූපයක් මගේ මන බැඳි හදේ ඉඩ මදි හැඟුම් උතුරන හීනයක් මුවට ගොළුවන හදට අමතන කියාගනු බැරි ගීතයක් මටත් හිමිනැති ඔබත් දන්නැති අමතක නොවෙනා ප්‍රේමයක්        🖋️ පබැඳුම - චන්දිම සුපුන් 

  චන්දිම සුපුන්  නීති පීඨය  කොළඹ විශ්වවිද්‍යාලය යංබං මචං පලයන් නොහලමින් මුවින් යන්නන් රැඳෙන් පවසන් හදවතින් තුටින් දෙන්නන් නොදෙන් වදනින් දෙහදකින් හිඳින් එක්තැන් වදන් පවසන් පැරදුමෙන් ජයෙන් නන්නන් දනන් සොයමින් මුවඅගින් වදන් වංහුං සොයන් කියවන් සිව්කොනින් ඉඳන් උන්උන් ඉඳින් මැරෙමින් මනුලොවින් තුටින් රන්වන් නිවන් හරිමින් මිරිකෙමින් දුකින්

  සෞභාග්‍යයා ජයසිංහ හෙද ශිශ්‍යා සසර කෙලවර දකින යන මග දෙපස ඔබ මොබ සරති නෙක දන පංච ඉඳුරන් පිනවමින් නෙක ගමන යති සැම නතර නොකොටම සුවහසක් දන නිවන් මඟ වෙත යොමු කෙරූ බුදු හිමි දෙසූ බණ අරුත් සුන් ලෙස ලෝ තලය තුළ තිබේ හිස් වූ මිනිස් සිත් තුළ වඩින්නට හැකි නම් නැවත හිමි හට හැකිය මගඵල ලබා ගන්නට නිමා කර දුක් දරා ආ මග වැළඳ ගන්නෙමි නිවන් යන මග  

චාමර කසුන් ශාස්ත්‍ර පීඨය කොළඹ විශ්වවිද්‍යාලය මඩ වැකුණු කඩමාලු ඇඳන් උදේ හවස වැඩකළේ පඩියටත් වැඩියෙන් මව් රටට සලකන්නේ නිරිසතුන් ලෙස අපට වෙන් කළේ මැයි දිනය අපේ නමට එදින නම් රට දස අත අප ගැනම දෙසන වැදි බණ මී පැණි වගෙයි කනට හැමදාම බෙදන සියඹලා මල්ලට ඉසුරුමත් උනා සිහිනයයෙන් දිනක් වසරට දිනක් නාවොතින් සේවයට අප සැවොම බැබළේවි මව් දෙරණ වෙනදටත් වැඩියෙන් එදින සුවය සුවඳ සොයන අසිරිමත් දන හට තේරෙවි අපේ අගය හනි හනික තක්සේරු නම් දුසිම් ගණනින් දිනකට සිදුකරන මිනිසුන් ඇතත් තරගෙට ළය පතුලේ සෙනෙහසට එබි බැලුව කවුරුත් හමුවුනේ නෑ අපට ....                       🖋️ පබැඳුම -  චාමර කසුන්

අසිඳු  මුණසිංහ  සීවලි මධ්‍ය විද්‍යාලය   මැතිවරණ වේදිකාවේ ඇසෙන ප්‍රධාන ඉල්ලීමකි. පාර්ලිමේන්තුවේ මන්ත්‍රී ආසන ගණන 225 කි.  2/3 ක් යනු මන්ත්‍රීවරුන් 150කි. පවතින සමානුපාතික නියෝජනය තුළ නම් එය අපහසු දේශපාලන ඉලක්කයකි . වත්මන් රජයට ද එම ඉලක්කය සපුරා ගැනීම එතරම් පහසු අඩියක නොපවතී. මන්දයත් 2019 ජනාධිපතිවරණ ප්‍රතිපල අනුව ආණ්ඩුවට ලැබෙන්නේ මන්ත්‍රී ආසන 127ක් පමණි. 150 කරා යාමට ඔවුන් තවත් ආසන 23ක අණසක ලබාගත යුතුය. පවතින සමානුපාතික නියෝජනය තුළ එය ප්‍රශ්නාර්ථයකි.  විශේෂත්වය නම්  1977 න් පසුව මෙරට කිසිදු පක්ෂයක් හෝ සන්ධානයක් 2/3 ක බලයක් *ඡන්දයකින්* හිමි කර ගෙන නොමැති වීමයි. හැත්තෑ හතෙන් පසුව කිසිවකු තුනෙන් දෙකක් ජයග්‍රහණය කර නොමැති උවත් අවස්ථා දෙකක දී විවිධ පක්ෂ එකතු කරගෙන *තුනෙන් දෙකක් හදා ගැනීම* දක්නට ලැබේ  1)  2010 රාජපක්ෂ පාලන තන්ත්‍රය  2) 2015 යහපාලන රජය  2010 ජනාදිපති වරණය  යුධ ජයග්‍රහණයේ උණුසුමත් සමග මහින්ද රාජපක්ෂයන්  ජයග්‍රහණය කළේ 57.8%  ඡන්ද ප්‍රතිශතයකිනි. (2019 ගෝඨාභය 52% කි.) මහ මැතිවරණයේදී ඔවුන් ආසන 144ක් හිමි  කර ගත්හ. ආණ්ඩුව පිහිටුවීමේදී TNA, ඊපීඩීපී, muslim congress සමග තුනෙන් දෙකක් හ

සම්පත් බණ්ඩාර  සීවලි මධ්‍ය විද්‍යාලය  රත්නපුර  සාමාන්‍යයෙන් නූතන  ලෝකයේ තෙලෙන් කා කිරෙන් අත හෝදන ගානට හම්බ කරන්න පුලුවන් ජාතියේ ධන නිධාන බදුවූ මහා ව්‍යාපාරවල් ඉහේ කෙස් ගානටය. නමුත් මා හිස් මුදුන් තබා වදින බුදුදහම හෝ වේවයි ඒ ඇරුනු විට ඔබ අදහන වෙනත් සම්‍යදෘශ්ටික ආගමක් හෝ වේවයි අනාදිමත් කලක සිට මිනිසෙක් දිවියතත් ධනෝපායනයට යොදා නොගත යුතු යැයි තරයේ හංවඩු ගසා ඇති මත්පැන් , අවිආයුධ , වසවිස වෙලදාම ආදිය අත් හල කල ඒ ඉහේ කෙස් ගානින් අතේ ඇගිලි ගානටවත් ව්‍යාපාර ගානක් ඉතුරු නොවන බව ප්‍රසිද්ධ රහසකි. කතාව ඇත්තය. අපේ මෙලොව සුගතිය අත්කර දියහැකි බොහෝ ව්‍යාපාර අපේ එලොව දුගතිය කරා ඇදදමන ජාතියේ ඒවාය. ලෝකයේ ප්‍රසිද්ධ ව්‍යාපාර විශ්ලේශනයන්ට අනුව සාමාන්‍යයෙන් ඉතා ඉහල ආදායම් ඉපයිය හැකි ,  අපිට තේරෙන සරලම භාශාවෙන්ම කිව්වොත් හොද ව්‍යාපාර නැතහොත් එලොවත් මෙලොවත් දෙකම ගොඩදැමිය හැකි මාදිලියේ ව්‍යාපාර අතර ප්‍රමුඛස්ථානය දිනාගන්නේ දේපල වෙලදාමයි. විශේශයෙන්ම නූතන ලෝක බලවතා වන ඇමෙරිකානු ජනපති ඩොනල්ඩ් ට්‍රම්ප් පවා සිය ආර්ථික ආධිපත්‍යය මුලින්ම ගොඩනගා ගත්තේ දේපොල වෙලදාමෙන් බව ඔබද  දන්නවා ඇතැයි සිතමි. මේ දර්ශක අතර දෙවැන්න ඔසු ව

චාමර කසුන් ශාස්ත්‍ර පීඨය කොළඹ විශ්වවිද්‍යාලය එක පෙළට විදී අයිනේ නැගුන  සුවිසල් මුඩුක්කු මන්දිරවල තෙකලා සඳ එළියෙන් පොත් බලන කුමර ජිවිත ඉන්නවා රජ විදියේ එක පසෙක කුණු කන්දෙන් නැගෙන අසිරිමත් දිවබොජුන් බුදින පිළී සුවද පැනින් සැමදා ගත සනහන අකුණු පහරට විසිකරන යකඩ කුමරවරු ඉන්නවා විදියේ අනෙක් පස ළඟම පාසල හොඳ ම පාසල කියයි මැතිවරු තලුමරා හැමදෑම රටවටා දුගි දරුවන් ඇවිත් හින්දා අපේ පුරයට පියාණන්ට වැඳ වැටි පවසලා  කුමරුන්ට තරම් නෑ අසිරිමත් ළඟම පාසල....                    

ප්‍රමෝද් වීරරත්න  අභිප්‍රේරක කථික / අභිප්‍රේරණ තීරු රචක / නිවේදන ශිල්පී ආදරේ මාරයි බං.ඒක පට්ට තමා.ඒත් වෙලාවකට ඔළුකටු එක්ක ම කුඩුකරං යන්න තරං වේදනාවක් දෙන්න ඒකට පුළුවන් බං.මොකද උඹ ආදරේ කරන කෙනා ලග නැත්තන් උඹට ඒක දැනෙනව කියන්නෙ ඒක උඹට දැනෙන ඇත්ත ආදරයක් වෙන්නැති.නැත්තම් ඇයි බං ඒකට මේ තරං දේවල් කරන්න පුලුවන්කමක්.ඉතිං බං ඒ තරං ආදරයක් ඔළුවෙ තියං උඹට හිනාවෙන්න පුළුවන්නම් උඹ මාර හයියයි බං. ඒ කියන්නෙ උඹ මාරයි.සිගරට් එකට බෑ උඹේ දුක මකන්න.ඒත් උඹට පුළුවන් උඹේ ඔය දුක සිගරට් එකක් කරලා ඒක බීලා අළු කරල විනාස කරලා දාන්න.ඒක උඹ ඔළුවෙ තියාගනිං.අනික මතක ඇතුව උඹේ ඔය ආදරේ පරිස්සමෙන් බලාගනිං.මොකද ඒකතමා උඹේ ජීවිතේ වටිනම දේ.අනික තමා ඒ ආදරේට උඹව ජීවත් කරවන්න පුළුවන්.ඒක මතක තියාගනින්. # ඉවසගනින්_ඒක_උඹට_පුළුවන් #මොකද_උඹ_මාරයි. #හිනාවෙලා_හිටපං 🖤

සුපුන් ජයතිලක  වෛද්‍ය පීඨය රජරට විශ්වවිද්‍යාලය අපගේ ජීවිතය පවත්වා ගෙන යාම සඳහා අනිවාර්යය සාධක ලෙස ජලය හැඳින්විය හැක.මන්දයත් මිනිස් සිරුරේ ස්කන්ධයෙන් 60% ටත් වඩා ජලය අඩංගු වීමයි.මිනිසාට ජලය රහිතව ජීවත් විය හැක්කේ  උපරිම දින 3-5 අතර කාලයක් පමණි. ජලය අප සිරුරේ බොහෝ කාර්යයන් සඳහා දායකත්වය ලබා දේ,     # ශරීරය විජලනයෙන් ආරක්ෂා කිරිම.     # රුධිරගත ප්‍රධාන සංඝටකය ලෙස,ශරීරය පුරා පෝෂක ද්‍රව්‍ය  හා ඔක්සිජන් පරිවහනය.    # සෛලයන්හි නිපදවන්නා වු අපද්‍රව්‍ය බහිස්ස්‍රවි පද්ධති වෙත රැගෙන ඒම සඳහා ද්‍රයක වීම.    # මුත්‍රා හා දහදිය ලෙස අපද්‍රව්‍ය ශරීරයෙන් ඉවත් කිරීම. # මුඛය, ඇස්,නාසය වැනි බාහිර පරිසරයට විවෘත වන පටල වල තෙතමනය පවත්වා ගනීම.    # අප ලබා ගන්නා ආහාර වල අඩංගු පෝෂක ද්‍රව්‍ය අවෂෝෂණයට ද්‍රයක වීම.    # ශරීර උෂ්ණත්වය නිවැරැදිව පවත්වා ගෙන යාම.   # මලබද්ධය වලක්වා ගැනීම. #ශරීර අවයව වල ක්‍රියාවලිය නිසි ලෙස පවත්වාගැනීම. ආදී  වු බොහෝ ක්‍රියා සඳහා ජලය දායකත්වය ලබා දේ. මෙම නිසා ජලය පානය කිරීම අනිවාර්යයෙන්ම කලයුතු දෙයකි.එහිදී ලෝක සෞඛ්‍ය සංවිධානයේ නිර්දේශ අනුව දිනකට පානය කලයුතු ජල පරිමාව,     -ළමා අවධිය(අවු:1

ප්‍රමෝද් වීරරත්න  අභිප්‍රේරක කථික / අභිප්‍රේරණ තීරු රචක / නිවේදන ශිල්පී උඹත් ජීවිතේ කොතනදිම හරි ප්‍රතික්ෂේප වෙලා තියෙනවනෙ බං.ඒක කොයිමොහොතෙ හරි ආයෙත් වෙන්නත් පුලුවන්.මොකද උඹේ ජොබ් එකෙන් ටීම් එකෙන් ඔය ඕනි තැනක ම ඉන්න ලොක්කට පුලුවන් උඹව එලවන්න..එහෙම කරාම ඉතිං උඹට දුක හිතෙනව තමයි. ඒත් ඌට බෑ උඹව *නවත්තන්න*  . මොකද උඹ උඹටම කියල ගමනක් යන හින්ද .ඒත් තවම ඒ ගමන පටන් ගත්තෙ නැත්තන් අද ම පටන් ගනින්.අන්න එදාට උඹේ *ඇඩ්මින් උඹව එලෙව්වට උඹට ඒක දැනෙන එකක්වත් නෑ. මොකද ,උඹ_Brandඑකක් වෙන හින්ද!.* උඹේ ජොබ් එක අවංකව උඹ කරපන් .ඒත් ඒක ජීවිතේ කරගන්නෙපා.ගන්න ගාණට සාදාරන ව වැඩ කරපං. ඒ අතරෙ උඹේ ම පාර උඹ හදාගනින්.මොකද උඹ වැඩකරන්න ඕනි උඹ වෙනුවෙන්.එතකොට උඹට මොනව කරත් උඹව වට්ටන්න කාටවත් බෑ බං. උඹ උඹම වෙයන්. මොකද උඹ තමා මේක කරන්න පුලුවන් එකම එකා.   *#Brand_එකක_වහලෙක්_නොවී*   *#Brand_එකක්_වෙයන්*        ✒️   ප්‍රමෝද් වීර් #හිනාවෙලා_හිටපං🖤

  සෞභාග්‍යයා ජයසිංහ හෙද  ශිශ්‍යා   කුසගින්න නිවාගනු පිණිස කෑමට යමක් ඉල්ලා සුපිරි වර්ගයේ මෝටර් රථය අසලට පැමිණි මිනිසා නොදැක්කා සේ ගිය ඔවුන්, මහා විහාරයේ මහා සංඝයාට මහා දානයක් මහා අයුරෙන් පිළිගැන්වූහ.

තිසංජා සුබසිංහ  නීති පීඨය කොළඹ විශ්වවිද්‍යාලය කාන්තාව වනාහි සාහිත්‍යයේ ද, දේශපාලනයේ ද, සමාජයේ ද, ආදරයේ ද , යන්නා වූ වපසරියන් ගණනාවක සංකීර්ණ ප්‍රස්තුතයක් වූ, මනුෂ්‍ය වර්ගයෙහි ලිංගිකත්වය මත පදනම් ව පුරුෂයන්ගෙන් අන්‍ය වූ වර්ගය යන්නට වඩා එහායින් ගිය, සංකල්පයකි. ඉහත කී සෑම ක්ශේත්‍රයකම කාන්තාව පුරුෂයාට සාපේක්ෂව සංකීර්ණභාවය ජීව ගුණයක් ලෙස උරුම කරගෙන ඇත . එනම් පුරුෂයාට වඩා විචාරයට භාජනය වන හැඩතල ගණනාවක් කාන්තාවන් තුළ දක්නට ඇති බව පෙනේ . එෆ්. ඩබ්ලිව් බෙයින් ගේ " A Digit of the moon" හින්දු පෙම් කතාවේ සිංහල අනුවාදය වූ "සඳ රේඛාව" කෘතියෙහි මහා බ්‍රහ්මයා විසින් කාන්තාව මැවීම අපූර්ව ලෙස විග්‍රහ කොට ඇත. "........ඔහු හදේ වටකුරු බව ,ලිය වැල්වල ඇති නම්‍ය බව, වැල්වල, පහුරු වල ඇති යම් අගට එල්බ ගැනීමේ හැකියාව ,තණ පත් වල තිබෙන චලිත භාවය , බට ගස් වල තිබෙන සිහින් බව ,මලක විකසිත භාවය ,ගසක පත්‍ර වල ඇති සැහැල්ලු බව ......"  යනාදී වශයෙන් දක්වා ඇත. ඉහත උද්ධෘතය කාන්තාවන්ගේ එක් පැතිකඩක් වන මධුර භාවය සාහිත්‍ය තුළ සංකල්පයක් බවට පත්වී ඇති ආකාරය මැනැවින් නිරූපණය කරයි . ඉහත දැක් වූ ආකාරයට පූ

සම්පත් බණ්ඩාර  සීවලි මධ්‍ය මහ විද්‍යාලය  රත්නපුර   ක්‍රිස්තු වර්ශ 1931 දී ඩොනමෝර් සාමිවරයා ඇතුලු ව්‍යවස්ථා ප්‍රතිසංස්කරන කොමිසම විසින් ඊට තෙවසරකට පෙර ඉදිරිපත් කල යෝජනා ප්‍රකාරව මෙරටට සර්වජන චන්ද බලය ලබාදෙන විට මෙරට එදා වේල හම්බ කරන් කා උන් සාතිශය බහුතරයක් වූ ගම්බද ගැමියෝ ලිබරල් ප්‍රජාතන්ත්‍රවාදය ගැන දැනසිටි උලව්වක් නොවුනි. නමුත් ජෝර්ජ් රජ්ජුරුවන්ගේ රටේ සුදු උත්තමයොත් 1928 දී මුල්ම වරට රහබැලූ සර්වජන චන්ද බලය නම් ලද මේ අමුතුම ටොපිය එංගලන්තවාසීන්ද  තමන් මුල්ම වරට  දිවගා රසය යාන්තමට වාගේ  තේරුම් ගත්  විගසම  හැරෙන තැපෑලෙන් සිලෝන් නම් වූ මේ හිච්චි ඇටයට එවීම එකල  පත්තරකාරයින්ට මෙන්ම ජාතික නායකයින්ටද මහත් ගර්වයකින් පට්ට ගැසීමට තරම් උනුසුම් උද්දෘතයක් වූ බැව් කියැවේ.මේ නිසාමද කොහෙදෝ සර්වජන චන්ද බලය ගැන හූනු බිජුවක තරම්වත් දෙයක් නොදනිතත් රජ්ජුරුවන්ගෙන් ලද තෑග්ගක් නිසාම මෙරට බොහෝ වැසියෝ මෙරට පලමු රාජ්‍ය මන්ත්‍රන සභා මැතිවරනයේදී  පෙලගැසී පේලි සැදී මේ ටොපියේ රහ බලන්නට ඉදිරිපත් වූහ. මේ පලමු මැතිවරනය වන විට මෙරට තරගකාරී පක්ශ ක්‍රමයක් සංවිධානය වී නොතිබූ නිසා චන්දය සදහා ඒ ඒ කේවල මන්ත්‍රී කොට්ටාශ වලට තරග

චන්දිම සුපුන්  නීති පීඨය  කොළඹ විශ්වවිද්‍යාලය ආදරණීය ලින්කන් වෙත, සන්ගමොන් තෙර ඇවිද යන්නට  අපිට අපි නැති  දිනක්  ඒවී නිව් සේලම් නගර වීදියෙ මතක පමණක් ඉතුරු වේවී කොන්කෝඩ් වෙත යනෙන තරමට ඔබ මගෙන් බෝ දුර ඇදේවී විපර්විල් හඬ ඇසෙන හැමතැන අපේ මතකය අවධි වේවී තිරිඟු වපුරා පිඟන් පිසලූ සතුට විතරක් රැගෙන යාවී ඕක් සෙවනේ තුරුලු වෙන්නට ඒබ්, කිසිදා   මා  නොඒවී                                                      - ඈන්           🖋️ පබැඳුම - චන්දිම සුපුන් 

  ප්‍රමෝද් වීරරත්න  අභිප්‍රේරක කථික / අභිප්‍රේරණ තීරු රචක / නිවේදන ශිල්පී මේ ලෝකෙ හරිම පොඩි පොඩි දේවල් හින්දා සෑහෙන්න ලොකු වෙනස්කම් වලට අහුවෙච්ච තැනක්.මේකත් එහෙම කතාවක් තමා.මොකද ඇපල් ගෙඩි තුනකින් මේක සම්පූර්ණයෙන් ම වෙනස් උනා. දන්නවද ඒව මොනවද කියල.? 01. ලෝකෙට මුලින්ම මැව්වා කියන ආදම් හා ඒවා        මුලින් ම ආහාරයට ගත්ත ඇපල් ගෙඩිය. 02.අයිසෙක් නිව්ටන්ගෙ ඔළුවට වැටුන ඇපල් ගෙඩිය. 03.ස්ටීව් ජොබ්ස් හොයාගත්ත ඇපල් ගෙඩිය.එහෙම නැත්තන් ඇපල් කියන සන්නාමය. #මේවා හින්දා ලෝකෙ එහෙම් පිටින් ම කණපිට ගැහුණනෙ බං.උඹට මේ ඇපල් ගෙඩියක් වෙන්න කියනවා නෙවෙයි. පොඩ්ඩක් හිතල බැලුවොත් උඹටත් ඒ වගේ පොඩි දේකින් ලොකු දෙයක් කරන්න පුළුවන්.උඹට බැරි නෑ.ට්‍රයි එකක් දීල බලපං. ටිකක් වෙන්ස් විදිහට හිතපං.එතකොට උඹටත් එහෙම එකක් හම්බෙයි. #හිනාවෙලා_හිටපං 🖤 ✒️  promod weer

    රසිඳු සශ්‍රීක ඉන්ජිනේරු පීඨය පේරාදෙණිය  විශ්වවිද්‍යාලය ඉස්සර නම් තනියම බස් එකේ නැගල කොහෙ හරි ඇවිදල රෑ වෙද්දි ආයෙ ගෙදර එන එක මගෙ පුරුද්දක්. ඉතින් මේක ට්‍රැවලින් පිස්සුවක් කියන්නද වෙන මොකක් හරි කියන්නද කියල මට තේරෙන්නෙ නෑ. කොහොම හරි කැම්පස් එකේ වැඩවලට හිරවෙලා නිවාඩුවක් නැති වෙනකල්ම මං කොළඹ විතරක් නෙවෙයි. නුවරඑලිය, වැලිමඩ, හම්බන්තොට, මාතර, කළුතර වගේ ගොඩක් තැන් මේ විදිහට තනියම කවර් කරල තියනවා. මේ සිදුවීම වුණෙත් ඔය වගේ ඇවිදින්න යන්න හිතුණ දවසක. ඒලෙවල් ඉවර වුණාට පස්සෙ මං කරපු කොම්පියුටර් කෝස් එකක සහතිකයක් ගන්න මොරටුවට යන්න කියල එදා ගෙදරින් පිටත් වුණේ. සහතිකේ හවස පහට කලින් ගන්න පුලුවන්නෙ. ඉතින් මට හිතුණා පුරුදු විදිහට උදේ කොළඹ පැත්තෙ රවුමක් දාන්න. පුරුදු විදිහට පානදුරෙන් බැහැල මොරටු යන්න ගාලුපාරෙ බස් එකක නගින්නෙ නැතුව හෙමින් හෙමින් පානදුර කෝච්චි ස්ටේෂන් එක පැත්තට ඇවිදගෙන ගියෙ මගෙ දවසේ සංචාරය තව ටිකක් හොඳ කරගන්න. ගිහිල්ල පානදුරේ ඉඳලා කොටුවට ටිකට් එකකුත් ගත්ත කියමු. ගාල්ලෙ ඉඳල එන එක්ස්ප්‍රස් කෝච්චිය එදා ටිකක් පරක්කුයිද කොහෙද. මන් ඉතින් පලවෙනි වේදිකාවට වෙලා කෝච්චිය එනකල් බලන් ඉන්න මිනිස්සු අ

චන්දිම සුපුන්  නීති පීඨය  කොළඹ විශ්වවිද්‍යාලය

සුපුන් ජයතිලක  වෛද්‍ය පීඨය රජරට විශ්වවිද්‍යාලය